URIME FESTA E FITËR BAJRAMIT

Të dashur besimtarë dhe bashkëatdhetarë,

Me rastin e festës së shenjtë të Fitër Bajramit, Xhamia Lausanne – Qendra Shqiptare për Integrim, Kulturë dhe Religjion në Lozanë (CICRA) ju përcjell urimet më të përzemërta për ju dhe familjet tuaja.

Pas një muaji përkushtimi, sakrifice dhe reflektimi gjatë Ramazanit, kjo ditë vjen si shpërblim shpirtëror dhe si moment gëzimi, solidariteti dhe bashkimi. Urojmë që agjërimi, lutjet dhe veprat tuaja të mira të jenë pranuar dhe që kjo festë të sjellë paqe, shëndet dhe begati në jetën tuaj.

Le të jetë kjo ditë një mundësi për të forcuar lidhjet mes nesh, për të ndarë gëzimin me njëri-tjetrin dhe për të ndihmuar ata që kanë nevojë.

Gëzuar Fitër Bajramin!
Me respekt dhe dashuri,
Xhamia Lausanne – CICRA