Kryesia e Qendrës Shqiptare për Integrim, Kulturë dhe Religjion

Mandati: 2026-2030

Kryesia e Qendrës Shqiptare për Integrim, Kulturë dhe Religjion në Lozanë është organi drejtues përgjegjës për udhëheqjen, organizimin dhe përfaqësimin e Qendrës, në përputhje me Statutin e saj dhe ligjet në fuqi të Konfederatës Zvicerane.

Ajo vepron me përgjegjësi, transparencë dhe përkushtim, duke synuar forcimin e jetës fetare, kulturore dhe shoqërore të komunitetit mysliman shqiptar në Lozanë dhe rrethinë.

Përgjegjësitë e Kryesisë

Kryesia ka për detyrë:

Zbatimin e vendimeve të Kuvendit të Qendrës
Menaxhimin dhe administrimin e veprimtarisë së përditshme
Mbikëqyrjen e çështjeve financiare dhe organizative
Mbështetjen e veprimtarisë fetare dhe edukative
Përfaqësimin e Qendrës pranë institucioneve lokale, kantonale dhe federale
Nxitjen e unitetit dhe bashkëpunimit brenda komunitetit

Bashkëpunimi, transparenca dhe njër thirrje për angazhim

Kryesia punon në bashkëpunim të ngushtë me imamin, organin mbikëqyrës dhe verifikues, si dhe me anëtarësinë, duke ruajtur hapjen ndaj dialogut, respektin e ndërsjellë dhe interesin e përgjithshëm të komunitetit. Qendra jonë është e fortë aq sa është i fortë angazhimi i anëtarëve të saj. Kryesia inkurajon të gjithë anëtarët dhe besimtarët që të kontribuojnë me ide, kohë dhe përkushtim për të ardhmen e përbashkët të CICRA-s.

Kryesia e qendrës shqiptare për integrim, kulturë dhe religjion në lausanne